سراب

من شهر لأ من دَهِر

رسيت بقلبي متل ما حدا قَبِل

عشعشت جوّاتي وما قلت حتى أَحِم

من شهر لأ من دَهِر

بكياني آه شو عملت

وبروحي شو ما عملت

رافقتني عطول النَهِر

بس تركتني بعرض البَحِر

من القَهِر

جفّ الدَمِع

وهالقلب تِعِب

وكفر بكل وَعِد

ما إنت شب

عحلم أحلى من العِلِم غفّيتني

وبدنيا من القهر فاجأتني

بغابة كلها شجر عيّشتني

وبصحرا مليانة ضجر رميتني

ضحكة الموناليزا هديتني

وحيرة عشّاقها عطيتني

إنت شب

متل الوعد بلون وطعم الدمع

متل الدرب المزروع بريحة الدم

متل الندم قاسي ومُر

وما بينزعل عليك 

ما دام الغدر فيك طبع 

والحب عندك وقت

وطول ما توبك عهوا الغرب

بس قلبك معتّق بروح الشرق

في شرقستان

عصفورة على الأرض، تسير بجناحين مكسورين، فهو حرمها متعة التحليق، وهي مثلها مكسورة القلب والعينين.

عصفورة خلف القضبان، تنشد أجمل الألحان، ليستمتع هو بها، ولتشاركها هي الأحزان.

عصفورة في القفص، تأكل وتشرب كلما اختار، فالمشيئة بيده هو، وهي مثلها لا تقوى أن تختار.

عصفورة في الخيال، تحلم بشجر وظلال، لكنه سرعان ما يوقظها على خيبة ودمار، فتستيقظ معها وتنهمر من عينيها الأنهار.

عصفورة في الغابة تسعى للحرية فتنسى الفخ، لكن الفخ لا ينساها مهما طال الزمان، هكذا تقول الحكمة القديمة، وهكذا تفعل روحها الوديعة.

خيبة

كلّما

جذبت رائحة

شعرت بالغثيان

وكلّما

عانقت شخصاً

تألّمت من الاغتراب

ظنّت أنها عثرت

فتوهّجت روحها

ونضجت ابتسامتها

لحظة، لحظتان

فدقائق وساعات

بهت نورها

وخفت سحرها

فأصبحت تُبصر ظلاماً

وأمست تسمع نواحاً

وعلقم الخيبات

بذائقتها بات يعصف

فعاد الخذلان

وغاب المرجان

أصدق صورة

كابتسامة أب حنون

كأم تمسك بيديها بين المروج

كأخ يشاركها ضوء النجوم

رسمته وهي تسير بين الدروب

كصديقة تحلّق معها بلا قيود

كصديق يشدّها إلی درب الجنون

كقريبة تهدئ روعها في السهول

رسمته وهي تسير بين الدروب

كنظرات شاب وسيم في كلية الفنون

كانتظار حبيب غارق في بستان زهور

كحبات لؤلؤ تسيل بها الغيوم

رسمته وهي تسير بين الدروب

كفاقد هوية يبحر نحو المجهول

كلاجئة جميلة تذبل كما الورود

كرجل من بلادها يقاوم الاحتلال ويثور

رسمته وهي تسير بين الدروب

كبُرت فكبُر في خيالها

كبُرت فلوّنته من تجاربها

عبَرت نهر العزة والإباء

فوجدته أمامها

بقبلة فاجأها

بحب أخبرها

أنه أصدق صورة جمعتها

من 100 حكاية مرّت بها

تحليق

وأنا صغيرة كنت ألحق الفراشات وأصيدها، وأقتلها بصراحة.. بس كبرت، عرفت أديشها كائن رقيق.. صرت أحبها وألحقها بعيوني من غير ما أأذيها، أتأمل ألوانها واختلافها، خفّتها وجمالها.. صرت أحلم إني فراشة مرسومة بألوان الحياة وعايشة بأحلی بستان.. بقدر أطير بالسما وأرفرف من غير ما يوقفني حدا.

اليوم، مش حاسة حالي فراشة ولا عم بشوف صاحباتي الفراشات.. بس حاسة فيهم بكل جزء بجسمي، عم يتحركوا بقوة وعم يهزوني بدون رحمة.. حتی قلبي المسكين مليان فراشات حزينة ما عم يوقفوا حركة.. لو قصدهم يعاقبوني عالماضي فأنا تبت من زمان وقررت أكون جزء منهم، ولو فكرهم يبعدوني عن سربهم ويحرموني التحليق، فهاد اللي مستحيل يصير.. لإنه اللي بفرد أجنحته وبرفع راسه لفوق صعب ينحني أو ينكسر.