Showing posts with label سواقة. Show all posts
Showing posts with label سواقة. Show all posts

Friday, 7 March 2014

عن أول درس سواقة

ركبت السيارة وعين الله عليّ.. حماس وولا نقطة خوف.

المدرب: عمرك سقتي؟
أنا: لأ.
المدرب: طيب.. أول إشي لازم تفهميه إنك ما تقربي إجرك عالفرامل. إجرك الشمال خليها دايماً ورا.
يلا شغلي السيارة.
أنا: كيف؟!
المدرب: إيه! هي المفتاح بدهاش تعليم!

*
شغّلنا هالسيارة

المدرب: يلا لفي شمال..
أنا: طيب كيف عم تتحرك السيارة من غير ما أدعس بنزين! يعني إنت داعس؟

*
السيارة على دحلة

المدرب: لو بدك تسألي عن كل شغلة مش حنخلّص تعليم بعمرنا! يلا لفي خلينا نتحرك.

*
السيارة عم تمشي وفجأة وقفت

المدرب: حركيها..

*
أنا انعجقت

المدرب: يلا.. ادعسي!
أنا: بنزين؟! طب كيف تحركت بالأول؟!

*
دعست بنزين بكل قوة وكنت حدعس بنت بتمشي قدامي!!

المدرب: بالسيارات الأوتوماتك..
أنا "قاطعته": هاي سيارة أوتوماتك؟! أنا بدي أتعلم على عادي!
المدرب: صفّي هون.. انتهت مهمتي.. بس لإنك بنت آخرتك ترجعيلي!