خيبة

كلّما

جذبت رائحة

شعرت بالغثيان

وكلّما

عانقت شخصاً

تألّمت من الاغتراب

ظنّت أنها عثرت

فتوهّجت روحها

ونضجت ابتسامتها

لحظة، لحظتان

فدقائق وساعات

بهت نورها

وخفت سحرها

فأصبحت تُبصر ظلاماً

وأمست تسمع نواحاً

وعلقم الخيبات

بذائقتها بات يعصف

فعاد الخذلان

وغاب المرجان

ماما

بتتذكري لما كنت صغيرة كتير وكنتي تحمليني وتقعديني علی طاولة المطبخ، تبدي تمشطيلي شعري وتعمليلي جدولة حلوة بلون عيونك؟ جدولة السنبلة.. كنتي تعرفي تعمليها مع إنه أغلب الأمهات ما بيعرفوا..

أنا ما بتذكر القصة، بس من قد ما عدتيها صارت جزء من ذاكرتي.. كنتي دايما تحكي قدام خواتي الصغار إني الوحيدة اللي فشتلك قلبك وخليتك تلعبي بشعري، إني هادية ومسالمة وما بجادل، كنتي تقولي كمان إني نولدت متل الخروف! بس يلا مسامحاكي بهالوصف الرومانسي!

المهم، كنتي تحطيني علی طاولة المطبخ وتلعبي بشعري وتكملي طبختك وتنسيني.. تنسيني لإني قاعدة بهدوووء وما عم بتحرك، عم بستناكي تيجي تكملي لعب بشعري أو تأكليني من إيديكي الحلوين.. شايفة يا ماما أديش كانت بنتك أمورة وكيوت!

بعرف.. أنا هلأ بطلت متل زمان :$ يمكن هادية شوي بس بطلت مسالمة كتير وصرت أجادلك كتير كتير!

سامحيني يا ماما لإنه الكل بيحكي عني ملاك إلا إنتي بتتمني تحسي بهالملاك اللي ربيتيه.. بتعرفي ليش؟ يمكن لإنك الوحيدة اللي رح تفهمني لو شو ما عملت، لو قد ما غلطت..

سامحيني يا ماما علی كل كلمة قلتها وكانت سبب بزعلك، علی كل حرف كتبته وكان سبب بدمعتك، علی كل شي عملته وإنتي مش راضية عنه..

سامحيني يا ماما إذا نسيت بيوم من الأيام تعبك معنا، سهرك علينا، الحكايات اللي كنتي تنيمينا عليها واللي خلتني أعشق القراءة والكتابة..

سامحيني يا ماما إذا بيوم ما فهمت سبب خوفك علي.. إذا بيوم عاندتك وعملت اللي براسي.. إذا بيوم لمتك علی شي عملتيه لإنك بتحبيني..

بحبك ماما.. وبوعدك أرجع متل هديك البنت اللي كنتي تمشطيلها شعرها وهيي صغيرة.

أصدق صورة

كابتسامة أب حنون

كأم تمسك بيديها بين المروج

كأخ يشاركها ضوء النجوم

رسمته وهي تسير بين الدروب

كصديقة تحلّق معها بلا قيود

كصديق يشدّها إلی درب الجنون

كقريبة تهدئ روعها في السهول

رسمته وهي تسير بين الدروب

كنظرات شاب وسيم في كلية الفنون

كانتظار حبيب غارق في بستان زهور

كحبات لؤلؤ تسيل بها الغيوم

رسمته وهي تسير بين الدروب

كفاقد هوية يبحر نحو المجهول

كلاجئة جميلة تذبل كما الورود

كرجل من بلادها يقاوم الاحتلال ويثور

رسمته وهي تسير بين الدروب

كبُرت فكبُر في خيالها

كبُرت فلوّنته من تجاربها

عبَرت نهر العزة والإباء

فوجدته أمامها

بقبلة فاجأها

بحب أخبرها

أنه أصدق صورة جمعتها

من 100 حكاية مرّت بها

تحليق

وأنا صغيرة كنت ألحق الفراشات وأصيدها، وأقتلها بصراحة.. بس كبرت، عرفت أديشها كائن رقيق.. صرت أحبها وألحقها بعيوني من غير ما أأذيها، أتأمل ألوانها واختلافها، خفّتها وجمالها.. صرت أحلم إني فراشة مرسومة بألوان الحياة وعايشة بأحلی بستان.. بقدر أطير بالسما وأرفرف من غير ما يوقفني حدا.

اليوم، مش حاسة حالي فراشة ولا عم بشوف صاحباتي الفراشات.. بس حاسة فيهم بكل جزء بجسمي، عم يتحركوا بقوة وعم يهزوني بدون رحمة.. حتی قلبي المسكين مليان فراشات حزينة ما عم يوقفوا حركة.. لو قصدهم يعاقبوني عالماضي فأنا تبت من زمان وقررت أكون جزء منهم، ولو فكرهم يبعدوني عن سربهم ويحرموني التحليق، فهاد اللي مستحيل يصير.. لإنه اللي بفرد أجنحته وبرفع راسه لفوق صعب ينحني أو ينكسر.

عدم نقاء

 الورد

بعد ما كان يرسم بسمة صار يحفر دمعة

الكلمات 

بعد ما كانت تبني جسور صارت تفتح جروح

الأفكار المجنونة 

قد ما شفعت وساعدت قد ما كشفت وباعدت

أنعِش روحي

مع كل نسمة اشتياق

ولهفة انتظار

ارسمني بأحرفك يا حبيبي

أطفئ لهيب البعد بألوانك

وقربني إليك أكثر

اجعل مني فراشة

ترشف من رحيق شفتيك

أو ريحانة

يفوح عطرها بين ثناياك

أو أميرة

تسرح شعرها بأناملك

ارسمني كما شئت

وجدد ألوانك عليّ

فأنا أنثى لا تكتمل

إلا بلمسة جنون تسطرها أناملك

أنا يا سيدي امرأة

لا يثيرها في الدنيا شيء

أكثر من الكلمات